Qazaqstan Respýblıkasy Aýyl sharýashylyǵy mınıstrliginiń buıryǵy  №22

2016 jylǵy 26 qańtar,  Astana qalasy Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne olardyń taýarlardy (jumystardy, kórsetiletin qyzmetterdi) ótkizýden túsken aqshany jumsaý qaǵıdalaryn bekitý týraly 2008 jylǵy 4 jeltoqsandaǵy Qazaqstan Respýblıkasynyń Bıýdjet kodeksiniń 70-baby 2-tarmaǵyna sáıkes buıyramyn: 1. Qosa berilip otyrǵan Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne olardyń taýarlardy (jumystardy, kórsetiletin qyzmetterdi) ótkizýden túsken aqshany jumsaý qaǵıdalary bekitilsin. 2. Qazaqstan Respýblıkasy Aýyl sharýashylyǵy mınıstrliginiń Orman sharýashylyǵy jáne janýarlar dúnıesi komıteti zańnamada belgilengen tártippen: 1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesiniń merzimdi baspa basylymdaryna jáne «Ádilet» aqparattyq-quqyqtyq júıesine resmı jarııalaýǵa, sondaı-aq Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin Respýblıkalyq quqyqtyq aqparat ortalyǵyna jiberilýin; 017256 3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda jáne memlekettik organdardyń ıntranet-portalynda ornalastyrylýyn qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasy Aýyl sharýashylyǵy vıse-mınıstrine júktelsin. 4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Aýyl sharýashylyǵy mınıstri A.MAMYTBEKOV Qazaqstan Respýblıkasynyń Qarjy mınıstri ____________ B. Sultanov 2016 jylǵy 3 aqpan Qazaqstan Respýblıkasy Aýyl sharýashylyǵy mınıstriniń 2016 jylǵy 26 qańtardaǵy № 22 buıryǵymen bekitilgen Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne olardyń taýarlardy (jumystardy, kórsetiletin qyzmetterdi) ótkizýden túsken aqshany jumsaý qaǵıdalary 1. Osy Orman sharýashylyǵy, erekshe qorǵalatyn tabıǵı aýmaqtar salalaryndaǵy memlekettik mekemelerdiń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne bul rette olardyń alynǵan qarajatty jumsaýy qaǵıdalary (budan ári – Qaǵıdalar). 2008 jylǵy 4 jeltoqsandaǵy Qazaqstan Respýblıkasy Bıýdjet kodeksiniń 70-baby 2-tarmaǵyna sáıkes ázirlendi jáne orman sharýashylyǵy, erekshe qorǵalatyn tabıǵı aýmaqtar salalarynda taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetý jáne olardyń taýarlardy (jumystardy, kórsetiletin qyzmetterdi) ótkizýden túsken aqshany jumsaý tártibin belgileıdi. Osy Qaǵıdalardyń is-qımyly orman sharýashylyǵy (budan ári – orman mekemeleri) jáne respýblıkalyq menshiktegi de kommýnaldyq menshiktegi de erekshe qorǵalatyn tabıǵı aýmaqtar (budan ári – tabıǵat qorǵaý mekemeleri) salalaryndaǵy memlekettik mekemelerge qoldanylady. 2. Taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin orman jáne tabıǵat qorǵaý mekemeleri 2003 jylǵy 8 shildedegi Qazaqstan Respýblıkasy Orman kodeksiniń 112-babyna jáne «Erekshe qorǵalatyn tabıǵı aýmaqtar týraly» 2006 jylǵy 7 shildedegi Qazaqstan Respýblıkasy Zańynyń 38-babyna sáıkes júzege asyrady. 3. Orman jáne tabıǵat qorǵaý mekemeleri osy Qaǵıdalardyń 2-tarmaǵynda kórsetilgen qyzmet túrlerinen tabys tabý maqsatynda memlekettik satyp alý konkýrstaryna qatysa alady. 4. Aralyq maqsatta paıdalaný úshin aǵash kesýdi jáne ózge maqsattarda aǵash kesýdi, onyń ishinde halyqty otynmen qamtamasyz etý úshin aǵash kesýdi júzege asyrý kezinde alynǵan súrekti óńdeý taýarlary men ónimderin, sondaı-aq ormandy janama paıdalaný ónimderin ótkizýdi orman mekemeleri naryqtyq baǵalar boıynsha júrgizedi. 5. Tabıǵat qorǵaý mekemeleriniń shekteýli sharýashylyq qyzmeti nátıjesinde óndirilgen taýarlar naryqtyq baǵalar boıynsha ótkiziledi. 6. Taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin tabıǵat qorǵaý mekemeleri erekshe qorǵalatyn tabıǵı aýmaqtar salasyndaǵy ýákiletti organ jáne oblystardyń, respýblıkalyq mańyzy bar qalalardyń, astananyń jergilikti atqarýshy organdary belgilegen tarıfterge sáıkes júzege asyrady. 7. Orman sharýashylyǵy jáne erekshe qorǵalatyn tabıǵı aýmaqtar salalarynda taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin júzege asyrýdan alynǵan qarajatty memlekettik mekemelerdiń jumsaýy Qazaqstan Respýblıkasynyń bıýdjet zańnamasyna sáıkes júzege asyrylady. 8. Orman mekemeleriniń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetýden alǵan qarajaty: 1) memlekettik orman qory ýchaskelerinde orman sharýashylyǵy is-sharalaryn júrgizýge; 2) orman sharýashylyǵy joldaryn salýǵa jáne kútip ustaýǵa, ormandardy órtke qarsy jaılastyrýǵa; 3) orman qoryn kúzetý, qorǵaý, paıdalaný, ormandardy molyqtyrý jáne orman ósirý salasyndaǵy jobalaý-izdestirý jumystaryna; 4) tabıǵat qorǵaý qyzmetin qamtamasyz etý úshin shtattan tys maýsymdyq jumyskerlerdiń, onyń ishinde órt kúzetshileriniń, aralyq maqsatta paıdalaný úshin aǵash kesýdi jáne ózge maqsattarda aǵash kesýdi, orman daqyldary jumystaryn júzege asyrý jónindegi jumyskerlerdiń, sondaı-aq orman resýrstaryn óńdeýdi júzege asyratyn jumyskerlerdiń jumystaryna (kórsetiletin qyzmetterine) aqy tóleýge; 5) baılanys quraldaryn, kólik jáne jabdyqtar, órtke qarsy kúres, orman qorǵaý jáne orman daqyldary maqsatyndaǵy mehanızmder men materıaldar, orman daqyldary jumystary úshin tuqymdar men otyrǵyzý materıaldaryn, janar-jaǵarmaı materıaldaryn, kıim-keshek, qarý jáne arnaıy qorǵanysh quraldaryn satyp alýǵa; 6) orman resýrstaryn óńdeý úshin qajetti jabdyqtar men mehanızmder satyp alýǵa; 7) orman mekemeleriniń jumys isteýimen baılanysty ǵımarattardy, qurylystardy jáne ózge de obektilerdi salýǵa, rekonstrýksııalaýǵa jáne jóndeýge; 8) orman jáne ańshylyq sharýashylyǵy úshin mamandar daıarlaýǵa jáne olardyń biliktiligin arttyrýǵa; 9) orman mekemeleriniń jumyskerlerin eńbek kórsetkishteri úshin kótermeleýge jumsalady. 9. Tabıǵat qorǵaý mekemeleriniń taýarlardy (jumystardy, kórsetiletin qyzmetterdi) ótkizý boıynsha aqyly qyzmet túrlerin kórsetýden alǵan qarajaty: 1) tabıǵı keshenderdi saqtaý men damytýǵa; 2) ósimdikter men janýarlar dúnıesin qorǵaýǵa; 3) aralyq maqsatta paıdalaný úshin aǵash kesýdi jáne ózge maqsattarda aǵash kesýdi qosa alǵanda, ormandardy qalpyna keltirý jáne qorǵaný is-sharalaryn júrgizýge; 4) aýmaqtardy tazartýǵa jáne abattandyrýǵa; 5) tabıǵı-qoryq qory obektilerin qorǵaý men týrıstik, rekreasııalyq jáne shekteýli sharýashylyq qyzmetpen baılanysty ınfraqurylymdy damytýǵa; 6) tabıǵat qorǵaý qyzmetin qamtamasyz etý úshin shtattan tys maýsymdyq jumyskerlerdiń, onyń ishinde órt kúzetshileriniń, aralyq maqsatta paıdalaný úshin aǵash kesýdi jáne ózge maqsattarda aǵash kesýdi, orman daqyly jumystaryn júzege asyrý jónindegi jumyskerlerdiń, sondaı-aq shekteýli sharýashylyq qyzmetti júzege asyratyn jumyskerlerdiń jumystaryna (kórsetiletin qyzmetterine) aqy tóleýge; 7) tabıǵı sıpattaǵy tótenshe jaǵdaıdyń saldarynan paıda bolǵan ótimdi qoqysty (jel men daýyl qulatqan aǵashtardy) jınaýmen baılanysty jumysty (kórsetiletin qyzmetti) júzege asyratyn jeke jáne (nemese) zańdy tulǵalardyń jumysy (kórsetiletin qyzmeti) qunynyń aqysyn tóleýge; 8) baılanys quraldaryn, kólik jáne jabdyqtar, órtke qarsy kúres, orman qorǵaý jáne orman daqyldary maqsatyndaǵy mehanızmder men materıaldar, orman daqyldary jumysy úshin tuqym jáne otyrǵyzý materıaldaryn, janar-jaǵarmaı materıaldaryn, kıim-keshek, qarý jáne arnaıy qorǵanysh quraldaryn satyp alýǵa; 9) tabıǵat qorǵaý qyzmeti men baılanysty ǵımarattardy, qurylystardy jáne ózge de obektilerdi salýǵa, rekonstrýksııalaýǵa jáne jóndeýge; 10) erekshe qorǵalatyn tabıǵı aýmaqtar úshin mamandar daıarlaýǵa jáne olardyń biliktiligin arttyrýǵa; 11) tabıǵat qorǵaý mekemeleriniń jumyskerlerin eńbek kórsetkishteri úshin kótermeleýge; 12) erekshe qorǵalatyn tabıǵı aýmaqtar salasynda ǵylymı zertteýler júrgizýge; 13) tabıǵat mýzeıleri men kórmelerin uıymdastyrýǵa jáne olardy kútip ustaýǵa; 14) rekreasııalyq aımaqtardy damytýǵa jáne abattandyrýǵa; 15) jarnamalyq qyzmetti jetildirýge; 16) ekologııalyq nasıhataýǵa; 17) teris ekologııalyq zardaptardyń aldyn alýǵa jáne joıýǵa jumsalady. Buıryq Qazaqstan Respýblıkasynyń Ádilet mınıstrliginde 2016 jylǵy 3 naýryzda Normatıvtik quqyqtyq kesimderdi memlekettik tirkeýdiń tizilimine №13378 bolyp engizildi.